1.Sino ang maaaring magpa-validate ng vaccination documents sa POLO? Tanging ang fully vaccinated OFWs (documented o undocumented), at ang kasama nilang immediate family members (asawa, anak at/o magulang) lamang, na uuwi ng Pilipinas mula abroad ang maaaring magpa validate ng vaccination documents sa POLO.

2. Paaano maituturing na fully vaccinated na ang isang OFW?

Kapag natupad ang lahat ng mga sumusunod:

- Nakatanggap ng dalawang doses ng COVID-19 vaccine (Philippine or WHO authorized) para sa mga 2-dose series o isang dose ng COVID-19 vaccine para sa single-dose series (Hal. Janssen).

- Namalagi sa "Green Countries" ng dalawang (2) linggo matapos matanggap ang 2-dose o 1-dose vaccination. Kabilang ang bansang South Korea sa mga itinuturing na "Green Countries."

3. Saan maaaring mag apply ng Vaccine Pass ang isang fully vaccinated OFW?

Mag-register online sa ONEHEALTH PASS PORTAL na may link na: https://www.onehealthpass.com.ph/e-HDC/.

4. Ano ang kailangan I-up-load na mga dokumento para ma-validate ng POLO ang vaccination pass?

- Vaccination Card Certificate, QR Code, o dokumento na na-issue ng host government;
- Valid Passport o Travel Document
- Proof of overseas employment (Hal.: Verified Employment Contract, OEC, OWWA Membership o anumang pagpapatunay ng employment na maaaring hingiin ng POLO.

5. Paano malalaman kung na-validate na ng POLO ang request na Vaccination Pass?

Mag-i-issue ang POLO, through portal, ng vaccine pass sa OFW. Ang POLO Vaccine Pass ay ipadadala electronically sa email address ng OFW na nag register sa ONEHEALTH PASS PORTAL.

6. Ano ang kahalagahan ng Vaccine Pass?

Magiging pitong (7) araw na lamang ang pamamalagi ng OFW sa facility-based quarantine at home quarantine naman para sa natitirang pitong (7) araw upang makumpleto ang kasalukuyang ipinatutupad na mandatory 14-day quarantine sa Pilipinas.

7. Mag-va-validate ba ang POLO ng vaccination document ng non-OFW at Foreign Nationals?

Hindi. Para sa mga non-OFWs at Foreign Nationals na uuwi/pupunta ng Pilipinas, ang kanilang vaccination documents ay ipapakita sa isang dedicated Bureau of Quarantine (BOQ) representative para sa verification ng Department of Transportation One-Stop-Shop (OSS).

Kung may karagdagang kayong katanungan hinggil sa paalalang ito, maaari kayong tumawag sa POLO sa numerong (02) 3785-3634 or 010-6591-6290 o maaari po kayong mag e-mail sa labor@philembassy-seoul.com.

Salamat po. END

20 July 2021